Jump to content

Recommended Posts

Posted

A Man's A Man For A' That

 

Is there for honest Poverty

That hings his head, an' a' that;

The coward slave-we pass him by,

We dare be poor for a' that!

For a' that, an' a' that.

Our toils obscure an' a' that,

The rank is but the guinea's stamp,

The Man's the gowd for a' that.

 

What though on hamely fare we dine,

Wear hoddin grey, an' a that;

Gie fools their silks, and knaves their wine;

A Man's a Man for a' that:

For a' that, and a' that,

Their tinsel show, an' a' that;

The honest man, tho' e'er sae poor,

Is king o' men for a' that.

 

Ye see yon birkie, ca'd a lord,

Wha struts, an' stares, an' a' that;

Tho' hundreds worship at his word,

He's but a coof for a' that:

For a' that, an' a' that,

His ribband, star, an' a' that:

The man o' independent mind

He looks an' laughs at a' that.

 

A prince can mak a belted knight,

A marquis, duke, an' a' that;

But an honest man's abon his might,

Gude faith, he maunna fa' that!

For a' that, an' a' that,

Their dignities an' a' that;

The pith o' sense, an' pride o' worth,

Are higher rank than a' that.

 

Then let us pray that come it may,

(As come it will for a' that,)

That Sense and Worth, o'er a' the earth,

Shall bear the gree, an' a' that.

For a' that, an' a' that,

It's coming yet for a' that,

That Man to Man, the world o'er,

Shall brothers be for a' that.

 

 

 

Happy Burns Night everyone :grin:

 

The drams are on me :drinks:

 

Slainthe!

 

Baltika

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...

Important Information

By using this site, you agree to our Terms of Use, Privacy Policy, and We have placed cookies on your device to help make this website better. You can adjust your cookie settings, otherwise we'll assume you're okay to continue..